Hvers vegna erum við til?

Á haustmánuðum 2009 fór hugmyndin að Zenter að myndast og eftir óvísindalega könnun á meðal nokkurra markaðsstjóra var lagt af stað með tölvupósts- og SMS kerfi. Fljótlega bættust kannanir við sem hjálpuðu okkur að mynda nauðsynlega hringrás samskipta á milli notenda og viðskiptavina þeirra. Þegar þessu skrefi var náð var ljóst að það yrði ekki aftur snúið og fórum við að taka við allskonar pöntunum frá viðskiptavinum okkar um hina og þessa „fítusa“ sem þá vantaði. Þess vegna er Zenter eins og það er í dag – byggt á raunverulegum þörfum íslenskra markaðsstjóra sem á hverjum degi eru að berjast við samkeppnisaðila sína.

Við leggjum mikla áherslu á að hafa fræðin á bakvið allt sem við gerum og má því segja að kokteillinn sem Zenter er búin til úr sé blanda af sölu- og markaðsfræðum í bland við nútíma þarfir kröfuharðra sölu- og markaðsstjóra. Markmið okkar er að gera Zenter að verkfæri sem getur búið til samkeppnisforskot fyrir þá sem nota það með réttum hætti. Við höfum heimsótt mikinn fjölda fyrirtækja og sú reynsla hefur skilað okkur mikilli reynslu í að skilja þarfir hundruði stjórnenda. Við sjáum í hverju þeir eru góðir og hvar við getum bætt þá. Það mun alltaf vera hlutverk Zenter að koma auga á tækifæri til að gera góða stjórnendur framúrskarandi með Zenter að vopni.

Starfsfólkið okkar

Trausti Haraldsson

Framkvæmdastjóri

Trausti hefur unnið fyrir stærstu fyrirtæki landsins og hefur góða reynslu og þekkingu í rannsóknum, stefnumótun, markaðs-, sölu- og þjónustustjórnun. Áður starfaði hann sem ráðgjafi hjá Capacent og þar áður sem verkefnastjóri yfir stefnu Íslandsbanka. Trausti er með B. Sc. gráðu í viðskiptafræði og M. Sc. gráðu í markaðsstjórnun. Fyrir utan vinnutíma er fjölskyldan númer eitt og síðan að semja tónlist.

Jón Sigurðsson

Ráðgjafi & Sniðsmiður

Jón er fæddur og uppalinn snillingur. Hann er einn af stofnendum Zenter og hefur unnið við smíði HTML tölvupósta og veitt ráðgjöf í um 7 ár og hefur marga fjöruna sopið í þeim heimi. Þegar hann er ekki að dýfa sér ofan í tæknihliðar útlitsjöfnunar, spilar hann Badminton og knattspyrnu og dundar sér með fjölskyldunni við ýmsa afþreyingu. Jón býr yfir gríðarlegri líkamsgreind.

Ingimar Jóhannesson

Tæknistjóri / CTO

Ingimar er sérfræðingur á sviði email og sms útsending ásamt því að hafa víðtæka reynslu af hugbúnaðarþróun og rekstri tölvukerfa.

Karítas McCrann

Gæðastjóri og varðveisla viðskiptavina

Karítas er útsjónarsöm og einstaklega lausnamiðuð. Hún bjó á Spáni í um 5 ár og stundaði þar nám í fyrirtækjaþróun. Þetta gaf henni einstaka sýn inn í innviði fyrirtækja og hvernig best sé að auka umsvif. Hún leggur ríka áherslu á að viðskiptavinir eigi alltaf að lenda í 1. sæti.

Diðrik Örn Gunnarsson

Verkefnastjóri og sérfræðingur

Diðrik hefur starfað sem ráðgjafi fyrir Nýsköpunarráð Noregs (Innovation Norge) og var forsvarsmaður stórra verkefna Evrópusambandsins. Einnig kenndi hann Markaðsfræði við Háskólann í Tromsö (UIT) ásamt því að skrifa doktorsritgerð sína þar um neytendahegðun. Diðrik hefur m.a. unnið fyrir COOP sem er stærsti smásölurisinn í Noregi. Diðrik er með B. Sc. gráðu í alþjóðlegri markaðsfræði og M. Sc. gráðu í viðskiptamenningu og vörustjórnun.

Ágústa Sigrún Ágústsdóttir

Mannauðsráðgjafi og markþjálfi

Ágústa hefur lokið meistaranámi í Mannauðsstjórnun og vinnusálfræði frá HR og er alþjóðlega ACC vottaður markþjálfi. Hún hefur unnið sem mannauðsstjóri í fjölmörg ár í ferðageiranum. Ágústa hefur bakgrunn úr listgreinum, leiðsögn og fararstjórni. Sem ráðgjafi í mannauðsmálum er henni hugleikið að laða það besta fram í hverjum starfsmanni og efla þá í starfi.

Ragnhildur Vigfúsdóttir

Mannauðsráðgjafi og markþjálfi

Ragnhildur er með diplóma í jákvæðri sálfræði og CDWF ásamt MA gráðu frá New York University í sögu og safnfræðum en venti síðar sínu kvæði í kross og lærði starfsmannastjórnun, markþjálfun og er vottaður leiðbeinandi í fræðum Brené Brown. Ragnhildur var starfsþróunarstjóri Landsvirkjunar í mörg ár áður en hún kom til Zenter. Ragnhildur sinnir markþjálfun, fræðslu og ráðgjöf á sviði mannauðsmála og stjórnunar

Katrín Þyri Magnúsdóttir

Sérfræðingur á greiningarsviði

Katrín er viðskiptafræðingur að mennt og var að ljúka M.Sc. námi í stjórnun og vinnusálfræði frá BI Norwegian Business School. Hún hefur víðtæka reynslu af sölu- og þjónustustörfum og hefur starfað og stundað nám í alþjóðlegu umhverfi. Hún hefur mikinn áhuga á rannsóknarvinnu og þá sérstaklega á sviði vinnustaða- og neytendahegðunar.

Bryndís Marteinsdóttir

Sérfræðingur á greiningarsviði

Bryndís hefur nýlokið meistaranámi í markaðsfræði sem hún stundaði við Háskólann í Reykjavík en hún lauk einnig BSc gráðu í viðskiptafræði frá sama skóla árið 2014, ásamt BA gráðu í íslensku frá Háskóla Íslands árið 2005. Bryndís hefur margra ára reynslu af sölu- og þjónustustörfum og starfaði síðast sem verslunarstjóri. Bryndís hefur brennandi áhuga á rannsóknum og markaðsfræði.

Atli Geir Hallgrímsson

Sérfræðingur á greiningarsviði

Atli lauk meistaranámi í markaðsfræði frá Háskólanum í Reykjavík árið 2016, en hluta af náminu stundaði hann sem skiptinemi í ESADE í Barcelona. Árið 2013 útskrifaðist hann með BSc gráðu í sálfræði frá Háskóla Íslands. Hann hefur mikinn áhuga á markaðs- og sálfræðirannsóknum góða reynslu í söfnun, greiningu, túlkun, framsetningu og úrvinnslu gagna. Utan vinnu hefur hann gaman af því að veiða og ferðast.

Eydís Ögn Uffadóttir

Ráðgjafi

Eydís leggur stund á nám í viðskiptafræði með áherslu á stjórnun og markaðsfræði við Háskólann á Akureyri. Hún hefur unnið í sölustörfum frá því að hún útskrifaðist úr leikskóla og er öllu vön. Þægilegt viðmót er hennar aðalsmerki ásamt því að vera einstaklega úrræðagóð og lausnamiðuð.

Kári Bertilsson

Forritari / Developer

Kári er mikill áhugamaður um mataræði og ketósis. Hann hefur starfað í tæknigeiranum í um það bil áratug. Hann hefur haft brennandi áhuga á tækni og nýjungum frá blautu barnsbeini.

Ágúst Þorvaldsson

Forritari / Developer

Ágúst hefur mikinn áhuga á öllu sem tengist forritun og tækni, einnig er hann brennandi áhugamaður um borðspil. Sem kemur kannski ekki á óvart þar sem að hann hefur verið starfsmaður hjá Nördabúðinni Nexus í um áratug. Fyrir utan það að spreyta sig við störf hjá Zenter þá keppist hann við að klára menntun sína við Háskóla Íslands í Tölvunafræði.






Fyrirtækið

Zenter ehf.
Laugavegi 178
105, Reykjavík
Iceland

Kt: 700414-0190
Simi: +354 511 3900
Heimilisfang: Laugavegur 178
Netfang: zenter@zenter.is

Ósk um upplýsingar

Ég óska eftir upplýsingum um: